Valvatne Bygg presenterer moderne bustader i rekke på Dalanset, Moster. To av bustadene ligg på kaikanten, medan to ligg høgare bak i feltet.
No kan du sikre deg ein lekker bustad på 108 m² med effektiv planløysing, 3 soverom og eit moderne garasjeanlegg.
Her kan du bu med sjøen som næraste nabo, du har moglegheit for båtplass, og eit levande nabolag med folk i alle aldrar!
Bustadene går over to plan og har ei funksjonell og gjennomtenkt planløysing med livsløpsstandard. Her får du tre soverom, to bad, open stove- og kjøkkenløysing samt ei triveleg loftstove.
Himlinga i 2. etasje gir ei luftig romkjensle, medan store vindaugsflater i stove og kjøkken slepp inn rikeleg med dagslys og gir bustaden eit moderne preg.
Det er sett av plass til platting eller terrasse på bakkeplan – perfekt for lune sommarkveldar. Ein kan også få uteplass i 2. etasje, ved å etablere terrasse på overbygget som ligg over inngangspartiet. Bustad A13 og A14 har ein slik terrasse inkludert i prisen, medan bustad A1 og A2 har dette som tilval.
Den moderne og stilreine arkitekturen glir naturleg inn i det maritime miljøet, og materialval og detaljar er nøye gjennomtenkt for å skape eit heilskapleg uttrykk.
Bustadene vert levert med jamt god standard (sjå eiga romskjema og leveransebeskriving).
Kjøkken og baderomsinnreiing kjem frå kvalitetsleverandøren Sigdal, levert av Stord Kjøkkensenter, og komplett sett med kvitevarer er inkludert.
Det er varmekablar i heile 1. etasje, samt på bad i 2 etasje.
I prisen følgjer ein garasjeplass og sportsbod i eit moderne felles garasjeanlegg under bakken. Her er det også moglegheit for elbil-ladar.
For å hjelpe deg med materialval og fargeval, kan du som kunde velje mellom to ulike interiørpakkar for bustaden; natur og trend. I tillegg får du sjølvsagt høve til å setja ditt eige preg på bustaden gjennom eit utval av tilval og materialval.
Sjå prospektet for fleire detaljar kring denne bustaden.
Me tilbyr kundane våre eit val mellom to ulike interiørpakkar i dette prosjektet. Pakkane er utforma for å skape ein gjennomført og harmonisk heim, der fargar og materialval står i fin samklang. Slik får du ein heilskapleg stil med ein tydeleg raud tråd gjennom heile bustaden.
Som kunde får du òg tilgang til ein tilvalgsmodul der du kan gjere ynskjelege tilpassingar og endringar utover det som er inkludert i interiørpakkane.
